Nesta viñeta pódese observar unha caricatura do
tipo de actuacións que se levan a cabo por parte das institucións públicas
encargadas de velar pola boa conservación do medio ambiente. Estas “medidas” son
tan absurdas como o é darlles aos osos uns refrescos e unhas gafas para o sol
por mor do cambio climático, xa que, de igual maneira, soen ir dirixidas a
solucionar os problemas causados, e non a previlos. Reflexa con gracia unha
triste realidade que, de non ser así, podería cambiar moito a situación actual
de devastación, cada vez máis veloz, de todo aquelo que non foi inventado polo
ser humano. A ilustración non parece ao final tan irónica, comparándoa co feito
de destruír o mundo para despois intentar arranxalo.
Raquel